اقسم بالله مصرية (if you arent arabic dont try to put it on the google translate because it will make no sense beacause its egyptian slang

القصة بدأت من التحرير ..
يوم فوز محمد مرسي الناس نزلت تحتفل بقا والدنبا كلها كانت ظايتة .. المهم يعني انا طبعا علي طول راشقة في التحرير 😀 بس اليوم ده روحت متأخر شوية يعني بعد العصر كده .. الدنيا كانت زحمة مووت بس كان في وشوش غريبة يومها يعني تحس انهم بلطجية حاجة كدة يعني .. ده غير الباعة الجائلين اللي رراشقينانا في الميدان علي طول دول .. انا طبعا سبت كل ده و دخلت خيمة طلاب الشريعة و حازمون هما خيمة واحدة يعني … ماكانش في بنات غيري انا واختي وماما .. العشا ادن بعدين الرجالة شوية منهم كان بيصلي و شوية كانو واقفين يحمو الخيمة و هما بيصلو في كدة كام ست منتقبة جم يقولولنا ده بيقولو في بلطجية بره طبعا احنا مبنهتمش بالحوار ده اساسا عشان في ناس كده بتقعد تفتي عشان الناس تخاف يعني ..بعدين ببص برة كدة لقيت خناقة كبيرة قلت عادي يعني برده مهتمتش اوي و مكنتش خايفه عشان بتحصل كتير كنت قاعدة اتفرج بس .. اول مالرجالة خلصو صلاة لقينا واحد بيزعق وبيقول افتحو الطريق افتحو الطريق بصوت عالي اوي .. بعدين لقيناهم مدخلين واحد الخيمة انجليزي هو انا افتكرته كان بيتخانق مع حد يعني .. الولد كان متبهدل و قعد يقولنا ان صاحبته بره بيتحرشو بيها .. كان في خيمة قدامنا كده لقينا طارت من علي وش الأرض بعدين الرجالة بتوعنا طبعا ماسكتوش راحو يتخانقو عشان يطلعوها … الخناقة كانت كبيرة جدا جدا اول مرة اشوف حاجة كدة الناس كانت بتضرب في بعض ومش شايفين بيضربو مين اصلا … المهم واحد ابن حلال سلفي دخل في وسطهم بوكسات و ضرب بقا وراح مسكها ..اول ما مسكها البلطجية دول قعدو يشدوها منو جامد البنت اتبهدلت جامد والله .. بعدين مش عارفة طلع من وسطهم ازاي المهم دخل الخيمة بقوة الدفع و سابها عندنا وراح يكمل الخناقة هو والرجالة التانيين اللي كانو فالخيمة عشان كانو بيقطعو فالخيمة عشان ياخدوها تاني .. البنت كانت ملفوفة في ملاية عشان كانو قطعولها كل لبسها ..قععدنا ندورها علي هدوم والخيمة عمالة تتخبط من هنا و هناك لقينا بنطلون و قميص كده روحنا لبسنهلها بسرعة ولبسناها طرحة و الولد اللي معاها غيرنالو لبسو عشان ميتعرفش ولبسنا كاب وكده بعدين الاسعاف جت مشناها فاضية عشان عشان نخدعهم يعني اكنها فيها عشان البلطجية كانو برة والرجالة بتوعنا كانو بيتخانقو معاهم .. المهم قعدنا بتاع ربع ساعة كدة نهدي فيها وفي الولد اللي معاها (عرفت بعد كدة ان اسمها ناتاشأ وهو اسمه كالوم) بعدين مشيناها مع ولد كده سلفي برضو اكنو جوزها و بعدين ماشينا كالوم مع واحد تاني بعديها بشوية.. بعد شوية الراجلين اللي راحو معانا رجعولنا وقالولنا انهن ادوهم فلوس يعني عشان يركبو تاكسي .. طبعا بعد ما مشيو الخيمة اتبهدلت و نص الحاجة اتقلبت اتسرقت يعني المهم نضفناها و بعديها بساعة تقريبا حصل نفس الحوار مع واحدة مصرية .. انا بعد ما روحت نمت و صحيت اليوم اللي بعديه لقيت و قعدت عالنت كالعادة لقيت واحدة كاتبة عالحوار اللي حصل لنتاشا ده لقيتها هي و طلعت صحفية كمان وكده انا معرفتهاش غير لما شفت صورتها .. بعدين لقيت ناس زبالة بتشتمها وبتقول عليها كدابة .. انا طبعا اتنرفزت فقررت اني اكتب علي اللي حصل .. انا كنت عاملة بلوج بس نسيت الباسوورد لئني ماكنتش بكتب فيه اي حاجه بعدين عملت واحد جديد وكتبت القصة بعدين لقيت الناس بتشتمني انا كمان وبتقولي لأ ده انتي هي بس عملا اكونت تاني اكنك مصرية ايه الناس الحمير دي هي ليه واحدة تقول علي نفسها كده اصلا لو محصلهاش يعني عشان الشهرة ؟؟؟؟!!!! يحرق ابو الشهرة … ايه ده ده طلع المنوف مش في مصر بس ههههههههه عموما انا مصرية من الاخر واللي مش مسدقني بقي يخبط دماغو فحيطة بيج بن اصلا اللي مش عربي مش هيفهم حاجة حتي لو حطها علي الترانسلاشين لئنو عاممي اوي يعني مش لغة عربية فصحي هعهعهعهعهعهع ..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s